O pasado venres 10 de xuño, recibimos no noso IES aos alumnos e alumnas (acompañados das súas titoras) que o vindeiro curso se incorporarán en 1º da ESO ao noso IES. Estes rapaces, 26 en total, proceden dos CEIP,s adscritos ao centro, o CEIP de Teixeiro e o CEIP de Curtis.
Recibímolos no salón de actos a xefa de estudos e a orientadora, tentando eliminar medos e tensións que moitas veces acompañan ao cambio de etapa, aínda que tamén falando un pouco da responsabilidade e do esforzo individual que teñen que adquirir para poder evolucionar e progresar na ESO.
Fixemos un percorrido polo centro e logo rematamos na cafetería, onde puideron estar moito máis relaxados.
BENVIDOS A TODOS E A TODAS!!
No hay comentarios:
Publicar un comentario