PROBAS DE ACCESO A CICLOS FORMATIVOS.

No DOG do venres 12 de xaneiro, a Consellería de Educación publicou a Orde do 28 de decembro de 2016 polo que se convoca o proceso de acreditación de competencias profesionais adquiridas a través da experiencia laboral, na Comunidade Autónoma de Galicia, en determinadas unidades de competencia do Catálogo nacional de cualificacións profesionais.

Este é o enlace á orde:

https://www.xunta.gal/dog/Publicados/2017/20170112/AnuncioG0164-281216-0003 gl.pdf

Coa implantación das novidades da LOMCE, agora hai acceso directo dos ciclos de FP Básico aos ciclos de Grao Medio, e destes aos ciclos de Grao Superior.

Polo tanto, os requisitos para presentarse ás probas son:

• Ter 17 anos ou cumprilos ao longo do ano 2017 para presentarse ás probas de acceso a grao medio.
• Ter 19 anos ou cumprilos ao longo do ano 2017 para presentarse ás probas de acceso a grao superior.

Acceso ao calendario de desenvolvemento das probas:

 

http://www.edu.xunta.es/fp/sites/fp/files/fp/Probas%20acceso/2017/calendario_probas_acceso_2017.pdf    

SABELA NÚÑEZ SINGALA NA NOSA BIBLIOTECA ESCOLAR.

O venres 20 de xaneiro tivemos a sorte de contar coa visita da autora de "O agasallo de Anya", Sabela Núñez Singala, no noso Instituto. A actividade foi organizada polo equipo da Biblioteca coa colaboración do Equipo de Normalización e Dinamización Lingüística para o alumnado do Club de lectura.

 Foi unha xornada moi agradable onde a autora desta preciosa historia de solidariedade, contounos como foi todo o proceso de elaboración do libro e as viaxes que fixeron a Ucraína para coñecer de primeira man a situación de moitos nenos e nenas que viven en orfanatos.

Aquí quedan unhas imaxes para lembrar esta xornada.

Grazas, Sabela!!