O noso alumnado de Bacharelato, acompañado de catro profesoras (Begoña Centoira, Ana Acosta, Hortensia Blanco e María Díaz) acudiron o pasado mércores 16 de decembro, ao salón Unitour, onde puideron visitar os stands das diferentes universidades públicas e privadas de España, entre elas, as tres galegas. Alí déronlles información sobre estudos de grao, becas e axudas ao estudo, intercambios, residencias estudantís e todo aquelo sobre o que quixeron informarse, ademáis de recoller dita información en trípticos e carpetas.
Ademais, os alumnos e alumnas dedicaron uns minutos a cubrir unha enquisa e así déronlles a oportunidade de participar na rifa dunhas becas universitarias de cara ao próximo curso.
Esperamos que algún dos nosos sexan os afortunados!!
Este é o enlace para ver a páxina web do salón Unitour:
http://www.unitour.es/consigue-tu-beca.htm
Quero desde aquí dar as grazas aos rapaces e rapazas do noso centro polo excelente comportamento que tiveron ao longo da xornada; e tamén amosar o meu agradecemento ás tres compañeiras que me acompañaron na actividade.
Feliz Nadal!
Vémonos á volta.
María.
No hay comentarios:
Publicar un comentario