O mércores 25 de novembro celebramos no
noso centro o día internacional contra a violencia de xénero.
Catro persoas voluntarias da Cruz Vermella
de Betanzos viñeron ao IES a impartir uns obradoiros ao alumnado de 3º e 4º da
ESO e FP Básica. Foi unha actividade cunha metodoloxía moi participativa na que
se debateu sobre determinados prexuízos que aínda existen na sociedade a raíz
de material audiovisual e gráfico que aportaron os voluntarios. Non só se
traballou directamente sobre a violencia cara á muller, senón que tamén se
analizaron certos comportamentos que están moi asentados entre as nosas mozas e
mozos nas relacións afectivas que empezan a desenvolver nestas idades.
O noso obxectivo principal con esta
actividade e que aprendan a ter relacións entre eles asentadas nunha base de
respecto, igualdade e tolerancia.
Ademais, os nosos alumnos e alumnas de FP
Básica, repartiron lazos morados entre todos os membros da comunidade
educativa.
No hay comentarios:
Publicar un comentario