RECUNCHO DE CITAS PARA REFLEXIONAR

Reflexionar e meditar é algo moi importante para crecer como persoas. Moitos personaxes (homes e mulleres) deixáronos grandes reflexións que, moitas veces, por moitos anos que pasen, seguen estando vixentes.

O Departamento de Orientación do IES de Curtis dispón dun recuncho de citas para reflexionar. Gustaríame que toda a comunidade educativa participase e engadise a súa achega a este recuncho.

Estas son as citas que estiveron colgadas durante este primeiro trimestre; espero as vosas achegas:

• "Tell me, I'll forget. Show me, I'll remember. Involve me, I'll understand". Chinese Proverb.
• "É posible conseguir algo despois de tres horas de pelexas, pero é seguro que se poderá conseguir con apenas tres palabras impregnadas de afecto". Confucio.
• "O lugar das mulleres en cada sociedade, marca o nivel de civilización da mesma". Elizabeth Caby Stanton.
• "Calquera pode enfadarse, iso é algo moi sinxelo. Pero enfadarse coa persoa adecuada, no grao exacto, no momento oportuno, co propósito xusto e do modo correcto, iso, certamente, non resulta tan sinxelo". Aristóteles en "Ética a Nicómaco".

Por certo, a cita en Inglés foi unha achega de Luisa, a profesora de Inglés.