A través de dúas circulares enviadas a todas as familias do centro, deuse publicidade ás distintas actuacións que durante este mes se levaron a cabo coas familias.
Unha delas foi a Escola de Familias no centro educativo.
Durante
todos os xoves do mes de maio (entre as 15:30 e as 17:00 horas) a educadora de ASFEDRO acudiu ao centro a
impartir charlas e obradoiros coas familias do alumnado que amosaron o
seu interese e a súa dispoñibilidade.
As temáticas tratadas nestas sesións, cunha metodoloxía eminentemente activa e participativa, foron as seguintes:
- afecto e comunicación;
- empatía, asertividade e resolución de conflitos;
- educar no esforzo e na responsabilidade;
- límites, normas, premios e castigos;
- prevención de adiccións.
A outra actividade foi unha charla para pais e nais organizada polo Concello dentro do programa "Suprime o Control". No seguinte enlace pódese ver a actividade organizada para o alumnado de Primaria, e a continuación, a noticia coa charla organizada para as familias:
A finalidade desta sesión é sensibilizar ás familias sobre a dimensión que ten o fenómeno da violencia de xénero entre a mocidade, así como facilitar coñecementos e pautas que contribúan a prestar unha maior atención a esta problemática.
No hay comentarios:
Publicar un comentario