O día 30 de xaneiro celébrase o Día da Paz. No noso centro non queremos deixar pasar esta data sen facer algunha reflexión sobre o que significa a paz nestes tempos que vivimos.
Por iso, o Departamento de Orientación, en colaboración coa Biblioteca, o Equipo de Dinamización Lingüística e Vicedirección, elaboramos o noso "Libro da Paz" do centro que quedou exposto xa esta semana e quedará tamén exposto toda a semana próxima.
A finalidade é que toda a comunidade educativa poida deixar a súa pequena ou gran achega sobre esta data e o que significa, porque a paz non é a ausencia de guerra, senón a convivencia pacífica, tolerante e respectuosa entre todos nós.
Por iso pedimos a colaboración e a participación de todos e todas.
Moitas grazas.
No hay comentarios:
Publicar un comentario